Íslendingar versluðu mest í erlendri netverslun frá Kína eða fyrir rúmlega 6 milljarða króna árið 2023 en við Íslendingar versluðum fyrir 27,4 milljarða króna í erlendri netverslun árið 2023. Í öðru sæti eru Bandaríkin með 4,2 milljarða króna en Bretland situr í þriðja sæti með 3,2 milljarða króna. Þýskaland og Holland fylgja svo fast á eftir. Hollendingar slá Víetnam úr fimmta sæti frá árinu 2022 en innflutningur frá Hollandi tvöfaldaðist milli ára. Kína sat einnig á toppnum fyrir árið 2022 með 6,2 milljarða króna af 23,9 milljörðum sem fóru í erlenda netverslun.
![](https://static.wixstatic.com/media/147c94_ec6ce856f02e4d26a60a819255a26917~mv2.png/v1/fill/w_980,h_980,al_c,q_90,usm_0.66_1.00_0.01,enc_auto/147c94_ec6ce856f02e4d26a60a819255a26917~mv2.png)
Í desember 2023 versluðu Íslendingar í erlendri netverslun fyrir 2,9 milljarða króna en það er 9,4% hækkun á milli ára en til samanburðar að þá versluðu Íslendingar fyrir 5,4 milljarða króna í innlendri netverslun. Innlend netverslun í þjónustu er 10,2 milljarðar í desember 2023 en erlend netverslun í þjónustu er ómælanleg til samanburðar þar sem að gögnin um erlenda netverslun byggjast á mánaðarlegum skýrslum frá Tollinum.
Innlend netverslun hækkar um 20,8% á milli ára
Innlend netverslun fyrir árið 2023 nam 50,4 milljörðum króna og hækkar um 20,8% á milli ára á meðan erlend netverslun nemur 27,4 milljörðum króna og hækkar um 14,6% á milli ára. Verslun á netinu í dagvöruverslunum innanlands hefur aukist um 48,7% á milli ára og má telja að landsmenn hafi verið duglegir að nýta sér tækni dagvöruverslana á árinu sem leið.
![](https://static.wixstatic.com/media/147c94_cdab2acd2dca4b43b66e294c01424bb6~mv2.png/v1/fill/w_980,h_980,al_c,q_90,usm_0.66_1.00_0.01,enc_auto/147c94_cdab2acd2dca4b43b66e294c01424bb6~mv2.png)
Rannsóknasetur verslunarinnar birtir mánaðarlega gögn um erlenda netverslun byggða á skýrslum frá Tollinum um tollafgreiddar vörur sem koma erlendis frá senda á einstaklinga. Gögn um innlenda netverslun er byggð á Kortaveltugögnum RSV.
コメント